TikTok tregon në 2021’s Year në TikTok Music Report se rreth 430 këngë gjatë këtij viti i kanë kaluar 1 miliardë views në platformë, pothuajse 3 herë më shumë se gjatë vitit të kaluar. Disa nga këngët më të famshme në këtë listë mblodhën rreth 20 miliardë shikime në videot që u përdorën si soundtrack.
Përmbledhja vjetore e TikTok përfshin gjithashtu disa numra mbi mënyrën se si këto këngë performuan kur nuk ishin përdorur në videot e TikTok. Aplikacioni merr meritat në ndihmimin e shumë artistëve në mbarë botën që u bënë mjaft të famshëm, si përshembull ish punonjësi i Verizon Tai Verdes, i cili u përfshi në listën Billboard Hot 100 për herë të parë pasi kënga e tij “A-O-K” u bë virale në TikTok.
Artistët më të mirë në këtë platformë nuk përbëjnë një surprizë – Megan Thee Stallion dhe Doja Cat mbajnë dy vendet e para respektivisht, të cilat ndiqen nga Popp Hunna. Tre këngët më të dëgjuara për këtë vit ishin “Astronaut in the Ocean” nga Masked Wolf, “Beggin” nga Maneskin dhe “Aderall (Corvette Corvette)” nga Popp Hunna.
Javën e kaluar TikTok prezantoi përmbledhjen e videove më të famshme në platformë. Video e @totouchanemu duke kërcyer ishte video më e famshme e këtij viti, me 43.9 milionë shikime.
