Shkencëtarët kanë krijuar një maskë të re që përdor antitrupat e një struci për të zbuluar COVID-19, duke ndriçuar nën dritën ultraviolet. Ky inovacion shpresohet të mundësojë testimin low-cost për virusin nga shtëpia. Në këtë maskë gjendet një filtër i veshur me antitrupa të një struci, pasi është zbuluar se zogjtë kanë një rezistencë të fortë ndaj këtij virusi. Antitrupat u morën nga vezët e strucave të cilat ishin injektuar me një formë jo aktive të koronavirusit. Për të testuar këtë maskë, Yasuhiro Tsukamoto i kërkoi pjesëmarrësve të vishnin maskën për 8 orë para se filtrat të hiqeshin dhe të lyheshin me një kimikat që ndriçon nën dritën ultraviolet nëse Covid është prezent.
Më pas u zbulua se maskat që u veshën nga personat e infektuar, ndriçonin rreth zonës së hundës dhe gojës. Ata thanë se drita LED e një smartphone-i është i mjaftueshëm për të zbuluar nëse ju jeni i infektuar ose jo.
Së shpejti shkencëtarët shpresojnë që të zhvillojnë një maskë tjetër që do të ndriçojë automatikisht, pa ndihmën e një ndriçimi special. “Kjo është një formë shumë më e thjeshtë testimi në vend të kryerjes së një testi PCR.” tha Tsukamoto.
Ai shtoi gjithashtu se përmes maskës mund të identifikohen dhe rastet asimptomatike, të cilët nuk testohen pasi nuk kanë probleme shëndetësore.
Megjithatë Tsukamoto dhe ekipi i tij nuk kanë kryer ende një testim në shkallë të madhe të këtyre maskave për të siguruar një aprovim nga qeveria.
