Nëse ju po kërkoni për mënyra më të mira për të ndjekur serialet tuaja të preferuara ose për të luajtur lojëra të ndryshme, atëherë është koha që të konsideroni blerjen e një projektori të ri.
Teknologjia më e re e projektorëve me laser bën të mundur projektimin e pamjeve drejtëpërdrejtë në mur me një madhësi prej 150 inç, pothuajse trefishin e madhësisë së TV që ju keni aktualisht në shtëpinë tuaj. Më poshtë ju listojmë 4 arsye se përse ju duhet të përdorni një projektor 4K laser në shtëpinë tuaj.
1 – “Ekran” 150 inç shumë fleksibël
Sapo ju të filloni të ndiqni përmbajtje në madhësinë 150 inç, ju do ta keni shumë të vështirë të pëlqeni ekranin tuaj të vjetër 55 inç. Avantazhi më i madh i përdorimit të këtyre projektorëve është aftësia për të ndërruar lehtësisht pozicionin e pamjes, pasi aktualisht TV me ekran 150 inç peshojnë rreth 90 kg.
2 – Projektimi me laser është e ardhmja
Falë aftësive të shkëlqyeshme të projektimit me laser, në të ardhmen ne nuk do të kemi më nevojë të përdorim TV. Projektori vendoset pranë murit, ju vendosni se sa pranë dëshironi të uleni dhe njerëzit mund të lëvizin lehtësisht para jush pa penguar pamjen, pasi projektimi nuk bëhet nga larg.
3 – Instalim shumë i thjeshtë
Projektorët me laser janë shumë më të vegjël për t’u transportuar se një TV me ekran 75 apo 85 inç. Në këto raste ju do t’ju duhet të thërrisni për ndihmë për të instaluar TV tuaj në mur, ndërkohë që përmes projektorëve ju mbaroni punë menjëherë, duke vendosur projektorin mbi një tavolinë.
4 – Jetëgjatësia
Projektorët e vjetër kanë nevojë për ndërrimin e burimit të dritës çdo dy vite pasi ngjyrat dhe ndriçimi zbehen. Me projektorët me laser ky problem zhduket, pasi ato kanë pothuajse 0 degradim. Jetëgjatësia e këtyre projektorëve është pothuajse e njejtë me TV OLED, por duhet përmendur se projektorët nuk bëjnë djegie të pixel-ave.
