OnePlus 10 Pro pritet të jetë një nga smartphone-t e parë flagship që do të prezantohet gjatë vitit 2022, dhe përmes informacioneve të bëra leak ne e kemi krijuar një ide rreth formës së tij.
@OnLeaks ka shpërndarë disa detaje të reja në bashkëpunim me 91Mobiles, duke zbuluar se OnePlus 10 Pro do të ketë një ekran 6.7 inç QHD+ me refresh rate 120Hz dhe proçesorin e ri nga Snapdragon, 898.
Ky smartphone do të vijë në disa opsione të ndryshme, me 8GB RAM ose 12GB RAM, dhe 128GB ose 256GB internal storage. Bateria e tij do të ketë një kapacitet prej 5,000mAh dhe do të jetë rezistent ndaj ujit në shkallën IP68.
Për sa i përket kamerave, One Plus 10 Pro pritet të vijë me një kamera selfie 32MP, ndërkohë që në pjesën e pasme do të ofrojë një kamera kryesore 48MP, një ultra-wide 50MP dhe një telephoto 8MP me zmadhim optik 3.3x. Megjithatë sistemi i kamerave nuk është ende mjaft i qartë, pasi disa burime të tjera sugjerojnë se ky smartphone do të ketë 4 lente në pjesën e pasme, e disa të tjera tregojnë se zmadhimi optik në lenten telephoto do të jetë 5x dhe jo 3.3x.
Pra, do të na duhet të presim dhe 2 ose 3 muaj, pasi OnePlus 10 Pro pritet të prezantohet gjatë muajit janar ose shkurt, fillimisht në Kinë dhe më pas në tregun botëror.
Arsyeja se përse ne themi se specifikat e këtij smartphone-i mund të na zhgënjejnë, është se duke e krahasuar këtë pajisje me paraardhësin OnePlus 9 Pro, shumë pak gjëra kanë ndryshuar. Seksioni i kamerave, ekrani dhe memoria e brendshme janë po të njejtat. Ndryshimet e vetme që ne mund të vëmë re janë në proçesorin e upgrade-uar, kapaciteti 500mAh më i madh i baterisë dhe rezolucioni më i lartë i kameras selfie.
