Autentikimi përmes shenjës së gishtit është një alternativë mjaft e mirë e password-eve apo kodeve PIN. Mirëpo për fat të keq, kjo alternativë vjen me një kosto, pasi ndryshe nga një password i rregullt, ju lini shenjat e gishtërinjve në dyert e taksive, ekranet e smartphone-ve apo gotat e verës në resotrantin tuaj të preferuar.
Në këtë mënyrë, një keqdashës mund të përfitojë nga situata dhe të krijojë një “kopje fizike” të shenjës tuaj të gishtërinjve. Ja se si mund të veprojnë ato:
Vjedhja e shenjës së gishtit
Një keqdashës mund të shikojë në një pajisje ku ju keni prekur për të gjetur shenjën tuaj të gishtit, dhe kjo është gjithçka që i nevojitet. Ai shkrep një fotografi të shenjës së gishtit dhe përmes Photoshop gjeneron një foto me ngjyra negative mjaft të pastër të shenjës së gishtit.
Më pas ai do të printojë këtë pamje në një letër acetati me një printer me lazer, ku printer krijon një strukturë 3D të shenjës së gishtit në letër. Në fund, ai vendos pak ngjitës mbi këtë fotografi të printuar për të mashtruar skanuesin.
Tashmë, nëse ky keqdashës ka në dorë pajisjen tuaj, ai mundet shumë lehtë ta zhbllokojë atë duke vendosur këtë copëz mbi skaner.
Prandaj, nëse ju dëshironi të jeni sa më të sigurtë, përdorni një password me karaktere të ndryshme dhe lini mënjanë shenjën e gishtit.
