Pas edicionit dixhital të kryer në 2020 për shkak të COVID-19, një nga eventet më ikonike dhe më të dashura italiane që i dedikohet botës së lojërave dhe comics është rikthyer. Qytetarët ishin shumë të emocionuar për të marrë pjesë në këtë event, dhe kjo gjë reflektohet nga shitja e të gjitha biletave.
Lojërat dhe comics
Dhe pse shumë fansa e kanë tejmbushur Games Week me kostumet e tyre, është akoma herët për cosplay, pasi për të do të dedikohet një pavion i tërë me evente ad hoc ditën e shtunë dhe të diel. Ditët e para të kësaj ngjarjeje mbizotëruesit do të jenë lojërat dhe librat komikë, të cilat do të jenë prezente falë Catoomics.
Dhjetëra mijëra entuziastë do të kenë mundësinë të provojnë video-lojëra të ndryshme të cilat janë vënë në dispozicion (nga FIFA 22 dhe NBA 2K22 deri tek lojërat me aventura si God of War dhe The Witcher).
Turnetë dhe show
Për të gjallëruar atmosferën gjenden gjithashtu turne të ndryshëm eSports. Gjatë këtyre ditëve do të zhvillohen finalet e kampionateve të PG Nationals Rainbow Six Seige dhe League of Legends (në këtë të fundit fituan Mkers). Këtyre finaleve iu shtohen dhe shows që i tërheqin ndjekësat në botën e frikshme të Resident Evil dhe të Star Wars.
Inter dhe Milan
Për të sjellë një risi gjatë këtij viti kanë menduar ekipet e futbollit Inter dhe Milan, të cilët bëjnë debutimin e tyre në Games Week. Zikaltërit ishin të parët që realizuan finale e Inter Esports Cup, një turne i dedikuar për rezidentët e Milanos në FIFA 22. Nga ana tjetër kuqezinjtë vijnë në këtë event me stendën ACMilan|Qlash ku përfaqësohen nga gamer-i pro, Diego “Crazy_Fat_Gamer”.
