Shkencëtarët në universitetin e Oxford kanë identifikuar një gjen specifik i cili dyfishon riskun e bllokimit të rrugëve të frymëmarrjes dhe përmes këtij zbulimi kanë krijuar një teori në lidhje me disa grupe etnike specifike që janë më të rrezikuar se të tjerët.
Ky version i rrezikshëm i gjenit me shumë mundësi pengon qelizat të rreshtohen në rrugët e frymëmarrjes dhe pengon mushkëritë që t’i përgjigjen virusit siç duhet. Rreth 60% e njerëve në Azinë Jugore e kanë të trashëguar këtë gjen, ndërkohë që në Evropë ky gjen gjendet në 15% të popullsisë.
Këto gjetje mund të shpjegojnë se pse në komunitete specifike kishte një numër më të madh hospitalizimesh dhe vdekjesh në krahasim me vendet e tjera. Autorët e këtij zbulimi treguan se gjeni nuk mund të përdoret si përgjigjja e vetme pasi ka shumë faktorë të tjerë, si gjendja socio-ekonomike, që ndikojnë në këtë rast. Dhe pse virusi ka patur një impakt të konsiderueshëm në njerëzit me prejardhje nga Afrika, vetëm 2% e tyre e kanë këtë gjen të rrezikshëm.
Ky gjen njihet si LZTFL1, dhe të gjithë personat që e kanë në gjenetikën e tyre këtë gjen mund të përfitojnë nga avantazhet e vaksinës, tha autori i zbulimit.
“Kjo gjë tregon se mënyra se si mushkëritë i përgjigjen infeksionit është kritike. Kjo është mjaft e rëndësishme, pasi shumica e trajtimeve janë fokusuar në ndryshimin e mënyrës se si sistemi imunitar reagon ndaj virusit.” tha James Davies.
Ai shtoi se: “Nëse ju keni gjenin LZTFL1 dhe sëmureni rëndë me COVID-19, ka një shans prej 50% se kjo gjë nuk do të kishte ndodhur nëse ju nuk do ta kishit këtë gjen.”
