Hapi i rradhës në sistemin e shëndetësisë në SHBA është pajisja e spitaleve me asistentin virtual Alexa.
Amazon tregoi ditën e hënë se Boston Children’s Hospital, Cedars-Sinai në California, BayCare në Florida dhe Houston Methodist do të përdorin së shpejti pajisje si Amazon Echo të cilat do të ndihmojnë pacientët të komunikojnë me stafin dhe të kontrollojnë pajisjet në dhomat e tyre.
“Kjo gjë bën të mundur që spitalet të rrisin produktivitetin, ruajtjen e pajisjeve mjekësore dhe veshjeve mbrojtëse si maskat apo dorezat, dhe i shkurton kohën stafit për të ofruar një shërbim më të specializuar.” tha Amazon.
Spitalet do të fillojnë përdorimin e sistemit Alexa Smart Properties duke filluar nga muaji i ardshëm, dhe do të kenë mundësinë të aktivizojnë disa shërbime të tjera si ndjekja e mjekimit. Nga ky sistem me sa duket do të përfitojnë dhe shtëpitë e të moshuarve, bashkë me hotelet dhe zyrat.
Gjatë pandemisë së COVID-19, Amazon testoi pajisjet e saja me Alexa të integruar në sistemin e shëndetësisë në të gjithë botën. Në maj të vitit 2020, kompania dhuroi pajisje Echo Show dhe tabletë Fire për të lidhur virtualisht pacientët me mjekët.
“Duke përdorur feedback-un e marrë nga kjo periudhë testuese, ne arritëm të sjellim shërbime specifike për spitalet. Pavarësisht nga mosha e pacientëve apo nga aftësia e tyre për të kontrolluar pajisjet teknologjike, ato do të jenë në gjendje të argëtohen ndërkohë që qëndrojnë nën vëzhgimin e mjekëve.” tha një zëdhënës i Amazon.
