Ja se si do të funksionojë kompania e re mediatike e Donald Trump

Trump deklaroi ditën e mërkurë në mbrëmje se ai tashmë ka një kompani të re të quajtur Trump Media & Technology Group (TMTG) dhe se  do të shkrinte kompaninë e re të tij me Digital World Acquisition Company. Nëse kjo marrëveshje do të kompletohet, atëherë kompania e re e Trump do të mund të tregëtohet në Nasdaq, dhe do t’i siguronte TMTG para të mjaftueshme për të krijuar një klon të Twitter-it të quajtur “Truth”.

Trump me sa duket ka një plan ambicioz për TMTG, sipas prezantimit të publikuar në website. Ambiciet e TMTG nuk përfundojnë me Truth Social, pasi qëllimet e saj janë të shndërrohen në një konglomerat me plane për të operuar një rrjet lajmesh që konkuron me CNN, një platformë streaming që konkuron me Disney+ dhe të ofrojë shërbime teknologjike njësoj si Amazon Web Service.

Deri më tani, e vetmja gjë e realizuar është krijimi i Truth Social, i cili ka problemet e veta. Disa nga gazetarët kanë arritur të krijojnë adresa të reja me username si “donaldtrump” apo “mikepence”.

Materialet promocionale për Truth janë të mbushura plot me mesazhe të rreme nga firma të cilat nuk i kanë dhënë leje TMTG për t’u përdorur. Mesazhe të tjera që përfshijnë titujt e gazetave më të famshme si The New York Times apo TechCrunch, ndërkohë që drejtuesit e këtyre kompanive tregojnë se nuk i kanë dhënë të drejtën e përdorimit të materialeve të tyre TMTG.