Në një video të regjistruar nga flota ushtarake detare e Amerikës shihet një objekt i paidentifikuar që fluturon përreth pamjes në ekran para se të zhytet në oqean. Deri më tani ka shumë pak informacione rreth objektit që duket në video, dhe e vetmja gjë zyrtare është konfirmimi nga Pentagon se pamjet e publikuara janë autentike.
“US Navy ka fotografuar dhe filmuar UFO në formë sferike dhe mjete të avancuara fluturuese; këto janë disa nga pamjet më të mira.” shprehet Jeremy Corbell në website, ku ka shpërndarë disa detaje rreth objektit.
Sipas Corbell, video është regjistruar rreth 2 vite më parë, në 2019, por vetëm tani është paraqitur për publikun. Vendi ku kjo ngjarje mendohet të jetë regjistruar ndodhet në brigjet e San Diego, dhe pse nuk është konfirmuar ende.
Video është shumë e shkurtër, megjithatë në të duken qartë aftësitë e UFOs për të lëvizur si në ajër dhe në ujë, duke e bërë atë pajisjen më të avancuar fluturuese të njohur deri më tani. Vetë objekti është shumë i vogël dhe pamjet në radar tregojnë një sferë solide me diametër 2 metra. Megjithatë ky objekt fluturues arrin të regjistrojë shpejtësi marramendëse deri në 254 km/h.
Menjëherë pas ngjarjes ekuipazhi filloi të kërkonte me një nëndetëse për objektin fluturues, por me sa duket ishte tepër vonë.
