Pas deklaratave të fundit nga EA Sports të cilat tregonin se mund të ndryshohej emri i lojës FIFA në të ardhmen, ka ardhur një reagim i fortë pikërisht nga FIFA.
EA Sports tha në një deklaratë mbi të ardhmen e lojës se po eksplorojnë idenë e riemërtimit të lojërave të futbollit nën pronësinë e EA Sports.
“E ardhmja e futbollit është tepër e madhe dhe e ndritshme. Prioriteti jonë është që të sigurojmë eksperiencën më të mirë në botë për përdoruesit tanë. Kjo gjë nënkupton se ne po rishikojmë të drejtat e emërtimit që kemi në marrëveshjen me FIFA, të cilat janë të veçuara nga të gjithë partneritetet dhe liçensat në të gjithë botën.” u shpreh EA Sports.
Ditën e premte FIFA ka reaguar menjëherë dhe përmes një deklarate është përmendur se ato mund të zhvillojnë një lojë të tyren dhe se janë në diskutime me zhvillues, investitorë dhe analistë të ndryshëm në industry.
“FIFA është tepër e emocionuar në lidhje me të ardhmen e eSports për futbollin, dhe është tepër e qartë se kjo e ardhme nuk duhet të zihet nga vetëm një anë që kontrollon të gjitha të drejtat.” u shpreh FIFA, dhe kjo deklaratë duket se shënjestron direkt EA Sports. “FIFA do të zërë një vend të ri komercial në eSports për të siguruar se do të merren vendimet e duhura në dobi të të gjithë investitorëve.”
