Ditën e djeshme OnePlus ka prezantuar versionin e limituar “Harry Potter” të orës së saj smart. Për sa i përket specifikave të kësaj ore, gjithçka është e njejtë me versionin original, me një ekran 1.39” AMOLED dhe bateri që mund të zgjasë deri në 2 javë.
Sipas GSM Arena, kasa do të ketë një ngjyrë bakri, ndërkohë që rripi është prodhuar nga lëkura vegane që ka të stampuar logon e Hogwarts.
Kutia përpiqet që t’i përshtatet sadopak atmosferës magjike në hyrjen e Diagon Alley. Ajo do të ketë një çmim prej $225 dhe do të vijë ekskluzivisht në tregun indian. Pra, ky version i limituar do të ketë një diferencë prej $50 me versionin e rregullt të OnePlus Watch.
Nëse ju blini këtë smartwatch, do të keni mundësinë të përdorni watch faces ekskluzive për të 4-ta zonat në Hogwarts, si Gryffindor, HufflePuff, Slytherin dhe RavenClaw bashkë me disa ikona dhe animacione të inspiruara nga filmat Harry Potter.
Hit the notify button to know more at https://t.co/zMYReE7QgL#SmartEverywear pic.twitter.com/3gmcX6RYdz
— OnePlus India (@OnePlus_IN) October 18, 2021
The Verge ka patur mundësinë të testojë këtë smartwatch dhe impresionet e para të lëna nga kjo orë nuk janë dhe aq të mira. Mirëpo pritet që OnePlus të përmirësojë me kalimin e koës këtë pajisje përmes update-ve të reja, duke përfshirë shërbimin always-on-display dhe funksionet camera remote control.
