Ekipi i shkencëtarëve gjermanë po studionin vetitë kuantike të gjendjes së pestë të materieve: Bose – Einstein condensate (BEC), një derivat i gazit që ekziston vetëm në temperatura super të ulëta. Në fazën BEC, lënda fillon të sillet si një atom i madh, duke e bërë atë një subjekt tepër të rëndësishëm për të studiuar fizikën kuantike për personat e interesuar në mekanikën e grimcave subatomike.
Për të siguruar temperaturën e ulët, ato hodhën gaz të magnetizuar nga 120 metra dhe arritën të siguronin temperaturën më të ulët që është regjistruar ndonjëherë në laborator, 38 trilion të një grade mbi -273.15 gradë Celsius.
Temperature është një njësi matëse e vibrimit molekular, sa më tepër në lëvizje të jenë molekulat, aq më shumë rritet temperatura e një trupi. Zero absolute është shifra kur të gjitha molekulat ndalojnë lëvizjen, gjë që ndodh në temperaturat –273.15 gradë Celsius.
Kur temperatura është pranë zeros absolute, disa fenomene të çuditshme ndodhin. Për shembull, drita bëhet likuid dhe mund të vendoset brenda një objekti, sipas studimit të publikuar në Nature Physics.
Për të arritur këtë temperaturë, shkencëtarët grumbulluan një re me 100,000 atome rubidium në gjendje të gaztë në një dhomë pa ajër pranë një fushe magnetike. Më pas, ato e ftohën këtë dhomë, deri në 2 miliardë të një grade mbi zeron absolute, që do të ishte një rekord më vete. Për të arritur një temperaturë dhe më të ulët, shkencëtarët e lëshuan dhomën e mbyllur nga lartësia 120 metra ndërkohë që ndiznin dhe fiknin fushën magnetike, duke lejuar që BEC të lëvizë e pandaluar nga graviteti.
