Abu Dhabi ka vendosur që t’i ofrojë të gjithë fansave të serialit “Squid Game” një eksperiencë të paharrueshme shumë të ngjashme me atë që ndodh në serial, pa përfshirë pjesën e vrasjeve sigurisht.
Qendra Kulturore Koreane në Emiratet e Bashkuara Arabe do të rikrijojnë lojërat e ndryshme të cilat janë përmendur në serial dhe pjesëmarrësit do të ndahen në 2 ekipe me 15 persona. Eventi pritet të mbahet në dy sesione të ndryshme në datën 12 tetor në zyrat e qendrës kulturore.
Në faqjen e eventit tregohet se do të luhen 4 nga 6 lojërat të cilat përfshihen në serial. Këtu përfshihen “Red Light, Green Light” dhe “Dalgona Candy”, të cilat janë dhe më të njohurat ndërmjet tyre. Pjesëmarrësit do të kenë mundësinë të luajnë dhe lojën “Marbles” dhe “Ddakji” (loja e parë që zhvillohet në stacionin e trenit me rrotullimin e letrave).
Mirëpo në vend të çmimit prej $38 milionë, pjesëmarrësit do të fitojnë një kostum jeshil të njejtë si në serial, pra nuk do të ketë para të shpërndara për fituesit. Këto lojëra do të zhvillohen në sesione në formë kapionati prej 2 orësh, dhe personat e eleminuar do ta ndjekin lojën nga jashtë fushës.
Për të marrë pjesë në këtë “kampionat”, aplikantët duhet të plotësojnë një formulat që përmban 3 pyetje, të cilat do të testojnë njohuritë e tyre mbi serialin Squid Games.
