Sony po planifikon ofrimin e një upgrade falas nga PS4 në PS5 për Horizon Forbidden West. Kjo kthesë vjen pas kritikave të mëdha të bëra nga përdoruesit pasi kompania tregoi se nuk do të ekzistonte ky upgrade për përdoruesit e PS4 që kalonin në PS5, dhe pse në fillim ishte premtuar diçka e tillë.
“Është mjaft e qartë se gjërat që ne ofruam në paketën pre-order nuk i arritën parashikimet. Edhe pse pademia ndikoi në shtyrjen e publikimit të Forbidden West, ne do të vazhdojmë të mbajmë premtimin tonë. Të gjithë përdoruesit që blenë Horizon Forbidden West në PS4 do të kenë mundësinë të upgrade-ojnë lojën në PS5 falas.” Tha Jim Ryan, presidenti dhe CEO i Sony Interactive Entertainment.
Sony kishte në plan të “detyronte” përdoruesit e PS4 të blinin versionin Digital Deluxe $79.99, Collector’s edition $199.99 ose Regalla edition për $259.99 për të fituar akses falas të lojës në të dyja konsolat PlayStation.
Kompania gjithashtu po vë në përdorim upgrade-in dixhital prej $10 për të gjitha lojërat cross-gen të ofruara në PlayStation. Kjo gjë nënkupton se God of War ose Gran Turismo i ardhshëm do të kenë një opsion për t’u upgrade-uar në mënyrë dixhitale nga PS4 në PS5 për vetëm $10.
