WhatsApp është gjobitur nga Bashkimi Evropian me $267 milionë pasi shkeli rregullat e privatësisë së të dhënave. Data Protection Commission në Irlandë e shpalli këtë vendim në një dokument prej 89 faqesh, ku cilësonte se WhatsApp nuk i ka njoftuar qytetarët e BE qartësisht mbi mënyrën se si aplikacioni e shpërndan informacionin me kompaninë mëmë Facebook.
WhatsApp është urdhëruar që të shtojë disa informacione të reja në politikat e saj të privatësisë dhe të ndryshojë mënyrën se si njofton përdoruesit mbi informacionet e tyre që shpërndahen. Vetëm pasi të kryhen këto “rregullime” aplikacioni do të jetë tërësisht në përputhje me General Data Protection Regulation në Evropë.
Mirëpo ky vendim nuk është pritur mirë nga ana e WhatsApp, normalisht, dhe një zëdhënës i kompanisë ka treguar se WhatsApp është gati ta apelojë këtë vendim. “WhatsApp është i përkushtuar për të ofruar një shërbim privat dhe të sigurt. Ne nuk jemi dakort me vendimin e marrë në lidhje me transparencën që ne i ofruam njerëzve në 2018 dhe penaliteti është tërësisht i tepruar.”
Ky vendim nga DPC regjistroi gjobën e dytë më të madhe të vënë për shkak të mosrespektimit të rregullave të GDPR. Në korrik të këtij viti, Amazon u gjobit me shifrën rekord prej $877 milionë për të njejtën arsye.
