Tesla njihet në mbarë botën për premtimet e saj të mëdha. Kësaj here kompania premton se do të ndërtojë një robot 172 centimetra të gjatë me peshë 56 kilogram që do të performojë disa detyra bazike si shtrëngimi i bulonave në pajisje ose shkuarja në ushqimore.
Ky robot është pjesë e ambicieve më të mëdha të kompanisë drejt automatizimit, që përfshijnë ndërtimin e një proçesori kompjuterash që do të fuqizojë rrjetin e makinave self-driving në të ardhmen e afërt. Koncepti u prezantua në fabrikën e Tesla në Kaliforni me emrin Tesla Bot dhe Optimus, dhe Elon Musk tregoi se një prototip do të jetë gati vitin e ardhshëm. Robotët do të pajisen me një ekran, sistemin e Tesla Autopilot prej 8 kamerash dhe kompjuterin Full Self Driving. Ato do të mund të ngrejnë pesha deri në 68 kilogramë dhe do të lëvizin me shpejtësi prej 8 km/h.
Edhe pse për momentin makinat Tesla nuk janë Full Self Driving, Elon Musk shpreh besimin e tij se një ditë kjo gjë do të arrihet. “Ne kemi pothuajse të gjitha pjesët e mundshme për ndërtimin e robotëve humanoid, pasi ne prodhojmë robotë me rrota aktualisht.” u shpreh ai në Twitter pas prezantimit, duke iu referuar makinave Tesla.
Robotët janë konceptuar të jenë miqësorë dhe të eleminojnë detyrat e rrezikshme, përsëritëse dhe mërzitëse të njerëzve.
