Pjesëmarrësi në parlamentit gjerman, Manuel Hoferlin tha përmes një letre se ai i vlerëson përpjekjet e Apple për adresimin e rreziqeve që i kanosen fëmijëve që nga abuzimi seksual deri në përdorimin e dhunës, por beson që kjo mënyrë e të funksionuarit nuk është më e drejta.
Hoferlin vazhdoi duke thënë se mënyra e Apple shkel një nga principet më të rëndësishme të shoqërisë së informacionit modern-komunikimi i sigurt dhe konfidencial. Ai përdori fjalët “hapja më e madhe e ‘portave të përmbytjes’ për konfidencialitetin e komunikimit që nga shpikja e internetit”. Kjo letër flet haptazi kundër planeve të Apple për të skanuar imazhet që gjenden në galeritë e përdoruesve për përmbajtje abuzimi fëmijësh. “Unë do të dëshiroja shumë t’i besoja këtij sistemi të ngritur nga Apple, por është e pamundur që të besojmë vetëm në fjalët e kompanisë.” u shpreh Hoferlin.
Zëvëndës presidenti i software engineering në Apple, Craig Federighi, pranoi në një intervistë se futja në përdorim e teknologjisë së skanimit të fotove ka shkaktuar konfuzion.
Që nga publikimi i këtij plani në fillim të këtij muaji Apple është përballur me kritika të shumëta, të cilat e konsiderojnë këtë akt si një shkelje të rëndë të privatësisë personale.
