Pamjet e para të Samsung Galaxy Watch 4 janë shpërndarë në internet një ditë para “publikimit zyrtar” në eventin e datës 28 qershor MWC.
91mobiles ka shpërndarë në internet disa renders që tregojnë të gjitha variantet e këtij smartwatch. Me sa duket Watch 4 do tëvijë në 4 ngjyra të ndryshme, bashkë me një ngjyrë që duket si Mystic Bronze i Galaxy Note 20, dhe rripa shumëngjyrësh.
Në pjesën e pasme të orës mund të dallohen disa specifika, si përshembill përfshirja e GPS, vlerësimi i fortësisë MIL-TD 810G, rezistenca prej 5ATM në ujë dhe prania e xhamit Gorilla Glass DX+. Ora do të vijë në dy madhësi, 40mm dhe 44mm.
Këto renders të publikuara fillimisht mendoheshin se i përkisnin Galaxy Watch Active, mirëpo ato janë pamjet e Watch 4. Kjo do të thotë se Samsung ka hequr dorë nga “unaza” e rrotullueshme që ka karakterizuar këtë linjë të smartwatch. Besohet se në këtë gjeneratë kompania do të vendosë një sensor BIA për të matur masën dhjamore dhe atë muskulore.
Gjatë këtij eventi do të prezantohet dhe bashkëpunimi mes Samsung dhe Google në bashkimin e dy sistemeve operativë Tizen dhe Wear OS, një hap mjaft i rëndësishëm drejt optimizimit të smartwatches për Android.
