Një ndër problemet e shumëta të Google Glass ishte frika e shkeljes së privatësisë. Nëse dikush ju filmon me telefon, ju mund ta kuptoni dhe të largoheni nga këndi i regjistrimit ose të mbuloni fytyrën tuaj deri në momentin kur personi të ndalojë regjistrimin. Mirëpo në Google Glass e vetmja gjë që tregon se po regjistrohet një video ishte drita e vogël në kamera.
Me sa duket Apple Glass ka arritur të gjejë një zgjidhje për këtë problemi. Në patentimin e ri eksplorohen disa mundësi të ndryshme që do ta bëjnë më të dukshëm për kalimtarët e çastit se kur ju po regjistroni një video.
Një nga opsionet e përshkruara ishte përdorimi i modulit të kamerës që mund të hiqet. Në këtë mënyrë, kur kamera nuk është prezente është e qartë për kalimtarët se syzet smart nuk mund të regjistrojnë.
Mirëpo çfarë ndodh në momentin kur moduli i kamerës po përdoret? Njësojë si Google, dhe Apple do të përdorë një dritë që tregon se pajisja po regjistron. Nëse përdoruesi i syzeve smart tenton të pengojë burimin e dritës, syzet do të bëjnë të pamundur regjistrimin.
Megjithatë patentimet nuk janë gjithmonë të njejta me produktet që prezantohen në treg, prandaj nuk duhet të surprizohemi nëse ndryshime të tjera përfshihen në produktin përfundimtar.
