Tower Theatre ishte teatri i parë në Los Angeles që filloi shfaqjen e filmave në 1927, mirëpo tani është kthyer në një dyqan që shet produkte Apple.
Kompania transformoi teatrin historik në një nga dyqanet e saj i cili i hapi dyert ditën e enjte dhe mirëpriti klientët me tapetin e kuq dhe llambadarët vezullues. Logo ikonike Tower mund të shihet akoma në ballë të ndërtesës, por tani ajo shoqërohet dhe nga logo e Apple.
Në zemër të dyqanit gjendet një Forum dhe video wall, të vendosur nën harkun e restauruar që rrethohet nga ballkonet origjinale.
Tashmë klientët mund të blejnë produkte Apple brenda auditorit luksoz, i cili u bë dyqani i 26 në zonën Los Angeles.
Deirdre O’Brien, zëvëndës presidenti I seksionit Retail + People në Apple tha në një deklaratë: “Në çdo cep të tij, Los Angeles është i mbushur me art, muzikë dhe kreativitet, dhe ne jemi mjaft të kënaqur që kemi ndërtuar një lidhje special me këtë qytet.”
Apple nuk i ka zëvëndësuar 906 ulëset origjinale të teatrit, thjesht i ka mbuluar me lëkurë në mënyrë që klientët të kenë një vend për t’u ulur ndërkohë që presin ndihmën nga punonjësit e kompanisë.
