Prezantimet kryesore në Apple WWDC 2021

Apple sapo ka përfunduar eventin WWDC 2021, i cili ishte plot e përplot me prezantime dhe lajme të reja, duke përfshirë dhe pamjen e parë të iOS 15, macOS e ri Monterey, përmirësimet e mëdha në FaceTime dhe më tepër. Më poshtë të gjitha të rejat e këtij eventi do të jenë të listuara.

iOS 15 dhe përmirësimet në FaceTime dhe notifications

Apple prezantoi iOS 15, e cila sjell përmirësime në FaceTime si Spatial audio, një shërbim i ri SharePlay që ju lejon të shpërndani media me miqtë në FaceTime virtualisht, update-imi në Messages, një pamje e re e notifications, mundësia e vendosjes së statuseve “Focus”, update-ime të Memories në Photos dhe një ridizenjim i aplikacionit të motit.

 

Shërbimi SharePlay në FaceTime

Nëpërmjet SharePlay ju do të mund të shikoni ose të dëgjoni përmbajtje të ndryshme virtualisht me miqtë tuaj. Apple po prezanton dhe një SharePlay API në mënyrë që developers të ndërtojnë aplikacione që e suportojnë shërbimin në të ardhmen.

 

Apple do të përdorë AI për të lexuar tekstet në fotot tuaja

Shërbimi i ri Live Text do të dixhitalizojë tekstin në fotot tuaja, në mënyrë që ju ta kopjoni atë. Apple thotë se do të përdorë “on-device intelligence” për këtë shërbim.

 

Ju mund të përdorni iPhone-in si ID në aeroport

Apple Wallet do t’ju lejojë të regjistroni ID tuaj në një formë dixhitale (duke filluar në SHBA), të cilën do të mund ta përdorni si një mjet verifikimi.

 

iPadOS do t’ju lejojë të vendosni widgets në homescreen dhe sjell ndryshime në multitasking

Ne iPadOS 15, Apple do të lejojë përdoruesit të vendosin widgets në homescreen dhe do të ofrojë akses në app library. Kontrollet e reja për të menaxhuar aplikacionet e bëjnë mjaft të lehtë multitasking në këtë pajisje.

 

Apple shton shërbime privatësie në Mail dhe Safari

Apple Mail do të bllokojë tracking pixels me Mail Privacy Protection dhe Safari do të fshehë IP e përdoruesve.

 

Më në fund Siri do të funksionojë dhe pa akses në internet

Apple do të lejojë Sirin që të proçesojë kërkesat me zë brenda në pajisje, gjë që bën të mundur përdorimin e tij offline.

 

AirPods po bëhen më të lehtë për t’u gjetur

Apple po bën disa ndryshime në AirPods, si përshembull ato janë më lehtë të gjetshme përmes Find My network dhe aftësisë për të njoftuar përmes notifications.

 

Apple prezanton WatchOS 8 me shërbime të reja shëndeti

WatchOS 8 do të vijë me disa shërbime të reja që lidhen me shëndetin, si një aplikacion i ri, Mindfulness dhe disa përmirësime në ndërfaqjen e orës.

Ndryshime të tjera të prezantuara janë prania e Siri në aksesorë të palës së tretë, përdorimi i të njejtit kursor dhe tastierë midis Macs dhe iPad dhe ridizenjimi i Safari në Macs.