Shërbimi App Tracking në iOS 14.5 ka bërë shumë bujë kohët e fundit. Në këtë version të ri të iOS aplikacionet duhet të marrin leje nga përdoruesit para se ato të aksesojnë identifikuesin e reklamimeve, i cili përdoret për të gjurmuar aktivitetin e përdoruesit midis aplikacioneve dhe website-ve. Këta përdorues mund të aktivizojnë ose jo shërbimin që Apple normalisht e ka çaktivizuar.
Sipas analistëve në kompaninë Flurry, e cila zotërohet nga Verizon Media, vetëm 4% e përdoruesve të iPhone në SHBA do të mbajnë aktive App Tracking pas update-imit të iPhone-it të tyre në iOS 14.5. Këto të dhëna janë përfituar nga 2.5 milionë përdorues aktivë të iPhone.
Në shkallë botërore kjo përqindje rritet, duke shkuar në 12% nga të dhënat e grumbulluara nga 5.3 milionë përdorues aktivë. Flurry ka regjistruar çdo ditë shkallën e adoptimit dhe në përgjithësi shifrat kanë qenë mjaft të qëndrueshme, ato në SHBA midis 2-5% ndërsa ato në të gjithë botën midis 11-13%. Sigurisht 2 javët e para janë shumë të rëndësishme për tregun e reklamimeve, të cilat do të reflektojnë një trend afatgjatë.
Facebook ka filluar menjëherë “aksionin” për të bindur përdoruesit për aktivizimin e App Tracking, nëse ato duan që të përfitojnë falas shërbimet e Facebook dhe Instagram.
