Teknologjia ka përparuar shumë dy dekadat e fundit. Ajo nuk është vetëm më e fuqishme se 20 vite më parë, por shumë nga pajisjet që konsideroheshin fantashkencë gjatë asaj kohe janë kthyer në realitet.
Më poshtë do të listohen disa nga këto produkte teknologjike që janë bërë pjesë e jetës sonë të përditshme.
Makinat self-driving
Në vitin 2004 në librin The New Division Of Labor drejtimi i makinës konsiderohej si një veprim që vetëm një njeri mund ta bënte. Fakti se shkencëtarët Levy dhe Murnane ishin të gabuar në perceptimin e tyre tregon fuqinë e madhe të teknologjisë AI e cila bëri të mundur drejtimin automatik të makinave.
Përkthyesit universal
Përkthyesi universal është paraqitur shpesh në filmat fantashkencorë si një pajisje që mund të mbahet në xhep kudo që shkon. Në ditët e sotme kufjet smart që ne përdorim mund të bëjnë një punë shumë të mirë në përkthimin e bazuar në të folurin. Pikërisht kjo teknologji ka qenë një nga triumfet e mahnitshme të inteligjencës artificiale moderne.
Reklamimi i personalizuar
Në filmin Minority Report të vitit 2002 shfaqet një skenë ku një tabelë reklamuese i bërtet aktorit kryesor duke thënë “John Anderton! Ju mund t’ju duhet një Guinnes tani.” Disa dekada më vonë idea e reklamimeve që i përshtaten një personi u kthye në realitet. Mirëpo që këto reklamime të personalizuara t’ju shfaqen, duhet që fillimisht të grumbullohen informacione personale, duke cënuar kështu privatësinë tonë.
Ekrane me prekje
Ekranet me prekje për herë të parë janë shfaqur në filmat me alienë që përdornin një teknologji mjaft të avancuar. Mirëpo gjithçka ndryshoi në mesin e viteve 2000 ku ekrani revolucionar multitouch i iPhone na mësoi me lehtësinë e touchscreen gestures. Më pas ekranet me prekje u përhapën në të gjitha industritë.
Voice assistants
Filmi 2001: A Space Odyssey nga Stanley Kubrick në 1986 përdori idenë e një asistenti dixhital, HAL 9000, që komunikonte me njerëzit nëpërmjet zërit. Sot asistentët smart të krijuar nga Amazon, Google dhe Apple gjenden kudo, dhe janë shumë më të përdorshëm dhe më pak të rrezikshëm se HAL 9000.
Telefonatat me video
Ditët e sotme, skenat e filmit të lartpërmendur janë shndërruar në realitet, bashkë me telefonatat me video nga hapësira në Tokë. Mundësitë e ofruara nga kjo teknologji na ndihmuan jashtë mase gjatë periudhës së pandemisë, ku arritëm të komunikonim me miqtë tanë ndërkohë që qëndronim në shtëpi.
Veshjet robotike
Idea e krijimit të një kostumi që kontrollohet nga veshësi për rritjen e aftësive të tij janë shndërruar në pajisje të përdorshme nga njerëzit. Ato ndihmojnë personat me aftësi të kufizuara të garojnë në maratona dhe persona të tjerë që duan të mësojnë të bëjnë ski.
