Turqia ka lëshuar një urdhër arresti për themeluesin e një platforme shkëmbimi cryptocurrency. Media vendase raporton se Faruk Fatih Ozer fluturoi drejt Shqipërisë me $2 miliardë nga 391,000 investitorë. Policia gjithashtu arrestoi 62 persona në 8 qytete të ndryshme që kishin lidhje me kompaninë e Ozer, Thodex.
Pasi dëgjoi gjithë këto akuza, ai i quajti të pabaza dhe tha se ndodhej në Shqipëri për disa takime biznesi. Ministria e drejtësisë turke ka filluar procedurat ligjore për arrestimin dhe ekstradimin e Ozer nga Tirana drejt Anadollusë.
Çfarë ndodhi në Thodex?
Spekulimet filluan ditën e enjte kur Thodex postoi një mesazh misterioz ku thonte se do t’i duheshin 5 ditë për t’u marrë me investimet, dhe më pas pezulloi shkëmbimet. Investitorët kontaktuan menjëherë autoritetet dhe u zbulua se gjatë asaj jave ankesat ishin rritur me 1,160%. Më pas disa security publikuan foton e Ozer, që besohet se është 27 vjeç, në aeroportin e Stambollit duke fluturuar drejt një vendi të paditur.
Më pas vetë Faruk Fatih Ozer mohoi akuzat nëpërmjet një tweet-i në faqjen zyrtare të Thodex, ku tha se ka qenë duke u takuar me investitorë të huaj në Shqipëri dhe se do të rikthehej në Turqi brenda pak ditësh.
