Microsoft ka rifreskuar sot serinë Surface me Surface Laptop 4 13.5 dhe 15 inç, të cili ofrohen në versione të ndryshme që përdorin proçesorët Intel të gjeneratës së 11 ose Ryzen 4000 Series nga AMD. Shitjet do të fillojnë më datën 15 prill, ku versioni me proçesorin Intel do të fillojë nga $1,200 dhe ai me proçesorin AMD nga $999, pra një diferencë prej $300.
Diferenca në çmim është e madhe vetëm për faktin se Microsoft nuk ka përdorur serinë më të fundit 5000 nga AMD. Megjithatë, performanca midis versioneve Intel dhe AMD është shumë e ngjashme dhe testimet kur produkti të dalë në shitje do ta përcaktojnë atë më mirë.
Këto përmirësime do të lejojnë Microsoft që të zgjasë disi jetëgjatësinë e baterisë dhe të rrisë performancën e laptopëve me mbi 70% nga paraardhësi Surface Laptop 3. Laptopi i fuqizuar nga AMD premton 19 orë me një karikim të modelit 13.5 inç, ndërsa ai 15 inç deri në 17.5 orë. Laptopi me proçesor nga Intel premton 17 orë për modelin e vogël dhe 16.5 orë në modelin më të madh.
Dizajni i laptopit është i njejtë, ofron 1 portë USB-C, 1 USB-A, portën e karikimit dhe një headphone jack. Çmimet e këtyre laptopëve janë të renditur më poshtë.
Modeli 13.5 inç AMD Ryzen 5 4680U me 8GB RAM / 256GB internal storage: $999
Modeli 13.5 inç 11th Gen Core i5 1135G7 me 8GB RAM / 512GB internal storage: $1,199
Modeli 15 inç AMD Ryzen 7 4980U me 8GB RAM / 256GB internal storage: $1,299
Modeli 15 inç 11th Gen Core i7 1185G7 me 16GB RAM / 512GB internal storage: $1,799
