OnePlus ka prezantuar dy smartphone-t e parë të serisë OnePlus 9. Siç pritej, OnePlus 9 Pro është produkti më high-end, që fillon nga $969, i dizenjuar të konkurojë me Galaxy S21 Ultra dhe iPhone 12 Pro Max, ndërkohë që çmimi për OnePlus 9 fillon nga $729 me disa specifika më të ulta.
Pjesën më të madhe të prezantimit OnePlus ia kushtoi sistemit të kamerave të përdorur në këto smartphone, i cili është zhvilluar në bashkëpunim me Hasselblad. Kamera ultra-wide përdor sensorin 50MP Sony IMX766 , ndërkohë që kamera kryesore e 9 Pro përdor sensorin 48MP Sony IMX789 (në versionin OnePlus 9 përdoret sensori IMX 689 me të njejtin rezolucion). Në 9 Pro gjendet gjithashtu në sensor monochrome, ndërsa kamera selfie ka rezolucion 16MP.
:no_upscale()/cdn.vox-cdn.com/uploads/chorus_asset/file/22391436/8yiucZD2Zt.png)
Për sa i përket anës së software-it, OnePlus ka shtuar Hasselblad Pro Mode që ju jep më tepër kontroll në shkrepjen e fotografive. OnePlus 9 Pro është në gjendje të regjistrojë video 8K në 30fps dhe ofron Nightscape Video mode për të regjistruar në ambiente pak të ndriçuara.
Të dy smartphone-t fuqizohen nga proçesori Snapdragon 888 dhe janë të pajisura me një bateri 4,500mAh që karikohet plotësisht nën 30 minuta me karikuesen Wrap Charge 65T. Ekrani i harkuar i 9 Pro përdor teknologjinë LPTO për të ndryshuar refresh rate nga 1 në 120Hz sipas përmbajtjes që gjendet në ekran, duke ulur konsumin e baterisë deri në 50%. OnePlus 9 ka një ekran më të rrafshët dhe me refresh rate 120Hz.
:no_upscale()/cdn.vox-cdn.com/uploads/chorus_asset/file/22391520/HFAkFchdt7.png)
Ngjyrat e përdorura në OnePlus 9 Pro do të jenë: Black, Silver dhe Green ndërsa në OnePlus 9 do të jenë: Black, Light Purple dhe Blue.
