Kompania Microsoft finalizoi marrëveshjen $7.5 miliardë për blerjen e ZeniMax Media që përfshin kompaninë Bethesda Softworks. Finalizimi vjen vetëm një ditë pas aprovimit nga Bashkimi Evropian, dhe tani Microsoft do të çojë numrin e game studios në një total prej 23 të tilla.
Phil Spencer i Microsoft tha: “Ky është hapi i duhur drejt ndërtimit të ekipit lider në krijimin e lojërave, një angazhim i joni për komunitetin e Xbox”. Marrëveshja midis dy kompanive përfshin dhe nënstudiot e Bethesda si Dishonored, Doom etj. Tani Microsoft ka 23 first party game studios, krahasuar me 13 të Sony PlayStation Studio.
Bethesda tani do të operojë si një biznes i veçantë në Microsoft, me leadershipin ekzistues. E njejta mënyrë është aplikuar dhe në blerjet e tjera të mëdha si Mojang, LinkedIn dhe GitHub.
Për herë të parë Microsoft publikoi planet për blerjen e Bethesda në shtator, duke premtuar nderimin e ekskluzivitetit të Deathloop dhe GhostWire: Tokyo të PS5. Tani janë ngritur disa pyetje në lidhje me planet e Microsoft për lojërat ekskluzive të Bethesda në Xbox dhe PC, por Spencer e bëri të qartë se do të jenë disa lojëra të reja që do të jenë të pranishme vetëm në platformat e kompanisë.
