Prej disa muajsh iPhone 12 mini nuk ka arritur të performojë siç ishte parashikuar dhe Apple po ul numrin e njësive të prodhuara. Një analist në JP Morgan raporton se Cupertino ka prodhuar 11 milionë iPhone 12 mini më pak.
Gjithashtu sipas informacioneve të marra Apple do të ulë prodhimin e serisë iPhone 12 me rreth 20% deri në dhjetor dhe pjesa më e madhe e tyre do të jenë versioni mini.
Numri total i iPhone-ve të prodhuar pritet të arrijë në 75 milionë në gjashtë muajt e parë të 2021. Kjo shifër është pak më e ulët se parashikimet e para që sipas llogarive prisnin të prodhonin 96 milionë njësi.
Pavarësisht nga këto probleme strategjia e ndjekur nga Apple ka rezultuar shumë e suksesshme, pasi kompania sapo arkëtoi një shifër rekord prej $111.4 milionë në tremujorshin e parë.
E njejta strategji pritet të ndiqet dhe në serinë e iPhone 13 që do të prezantohen më vonë. Tani Apple ka nisur prodhimin në masë të Macbook-ve të rinj me ekran mini-LED.
