Në datën 3 mars, SpaceX mbylli me sukses testin e tretë të prototipit Starship në sitin e tyre në Cameron County, Texas. SN10 mer energjinë nga tre motorë Raptor të cilët fiken në një sekuencë para se ajo të arrijë 10 km lartësi.
Starship SN10 performoi një tranzicion në depozitat e brendshme të gazit që rregullojnë zbritjen, para se të riorientohej për një ulje të kontrolluar aerodinamike e cila koordinohet nga lëvizja e 4 krahëve të prototipit. Të 4 krahët kontrollohen nga kompjuteri i bordit që mundëson një ulje preçize në vendin e caktuar.
Mirëpo, kur gjithçka dukej se po shkonte mirë, Starship SN10 shpërtheu për shkak të një çmontimi të paplanifikuar menjëherë pas uljes.
Dhe pse anija kozmike shpërtheu, ulja me sukses e saj shënoi një pikë shumë të rëndësishme për SpaceX e cila kërkon të përmirësojë këto shërbime në mënyrë që të krijojnë një sistem transportues të ripërdorshëm për ekuipazhin dhe ngarkesa të tjera në udhëtime të gjata interplanetare.
Elon Musk, CEO i SpaceX, ndoshta mund të jetë disi i dëshpëruar për shpërthimin e SN10, megjithatë nuk ka ngurruar të bëjë një tweet epik në të cilin shkruhej : “SN10 ndodhet në Valhalla tani”
