Të inspiruar nga puna e natyrës në ndërtimin e strukturave me maja në shpella, inxhinierët në Iowa State University kanë zhvilluar një teknologji e cila mund të rikuperojë metalet e çmuara nga telefonët tanë të vjetër dhe pajisjet e tjera elektronike.
Duke përdorur aplikime të kontrolluara të oksigjenit dhe temperaturat e ulëta, inxhinierët thojnë se ato mund të zhvendosin një metal duke lëvizur me ngadalë komponentët më reaktivë në sipërfaqe ku do të formojnë maja në formë stalagmidesh të oksideve të metaleve. Kështu komponentët më pak reaktivë do të qëndrojnë në bërthama të pastra likuide të rrethuara nga “gjembat” me okside metalesh të brishtë.
Fondet e universitetit dhe një pjesë e grantit të U.S. Department of Energy Small Business Innovation Research mbështetën këtë zhvillim teknologjik.
Drejtuesi i këtij projekti, Martin Thuo, thotë se “Na duhen metoda të reja të rikuperimit të metaleve të çmuara nga e-waste ose materialet me metale të përziera. Ajo që ne demonstrojmë këtu është se metodat me temperatura të larta mund të mos jenë më të nevojshme në purifikimin e metaleve pasi mund të përdorim reaktivitetin e tyre për t’i ndarë.”
Këtë sukses që kanë arritur ai ia krediton të gjithë studentëve të talentuar dhe bashkëpunuesve të tij.
