Instagram po zgjeron funksionalitetin e Live që të përfshijë më shumë se dy përdorues në një Live Stream. Platforma prezantoi Live Rooms, e cila do të lejojë deri në 4 përdorues të diskutojnë live së bashku.
Në njoftimin e tij Instagram shpreson që të hapë më shumë mundësi për përdoruesit duke i lejuar njerëzit të organizojnë talk shows, jam sessions ose tutoriale në grup me më shumë se 1 mik.
Shërbimi i ri do të dalë sot dhe duhet të arrijë tek të gjithë përdoruesit brenda javës. Njerëzit kanë filluar të përdorin shërbimin live të Instagram shumë më shumë që nga fillimi i pandemisë në 2020. Qeveri të ndryshme e kanë përdorur për të ndërgjegjësuar shtetasit me udhëzimeve rreth situatës në të cilen ndodhemi. Vitin e kaluar paltforma ka bërë të mundur që Live streams të jenë të shikueshme në web për t’i shfaqur ato në ekrane të mëdha. Gjithashtu u zgjat koha e qëndrimit në live stream nga 1 orë në 4.
Instagram pret që Live Rooms t’i japë më shumë mundësi përdoruesve për të bërë para dhe për të rritur numrin e followers-ave. Shikuesit mund të blejnë badges për më shumë vizibilitet, produkte nga krijuesit ose mund t’i dhurojnë për bamirësi.
Përdoruesit mund ta gjejnë këtë kategori duke rrëshqitur majtas në Instagram dhe duke klikuar në opsionin Live. Më pas duke klikuar në ikonën Rooms do të shfaqet lista e miqve që doni të ftoni. Ju do të keni mundësi të raportoni dhe bllokoni komente gjatë Live.
