Tregu evropian shënoi një ngadalësim në shitjen e telefonave në 2020 për shkak të pandemisë, por disa kompani arritën të përfitojnë nga kjo situatë. Sipas Counterpoint, Xiaomi dhe Oppo u treguan të shkathët duke përfituar nga ngadalësimi i Samsung dhe problemet e Huawei.
E gjithë 2020 ishte një vit i keq për industrinë. Transportimet në Evrope ranë me 14% krahasuar me një vit më parë.
Sigurisht që në krye të tregut qëndrojnë Samsung dhe Apple me 54% të saj, por me sa duket këto 2 kompani nuk kanë arritur të përfitojnë nga reçesioni i Huawei. Fituesi i vërtetë i vitit 2020 ishte Xiaomi. Kjo kompani pothuajse dyfishoi shitjet sidomos në Itali dhe Spanjë, duke e zbritur Huawei në vendin e 4-t.
Gjithashtu një pjesëtar i kompanisë BBK Electronics u mbështet gjatë kësaj periudhe. Po flasim për firmën Oppo e cila mbetet brandi më i madh i BBK në Evropë. Shitjet e Oppo u rritën me 82% në vitin 2020 krahasuar me 2019. Një tjetër performues i mirë është dhe RealMe, me rritje njëmbëdhjetë fishe në këtë vit.
Çfarë do të ndodhë në 2021?
RealMe duket se ka një shanc shumë të mirë të rrisë përqindjen e saj në treg pasi planifikon të publikojë një smartphone shumë të lirë me Snapdragon 888. OnePlus gjithashtu do të rivalizojë me serinë OnePlus 9. Samsung duket se po bën mirë këtë vit me serinë S21 dhe Apple do të publikojë pasardhësin e iPhone 12 këtë vit. Për sa i përket Huawei, është shumë e vështirë të riparojë dëmin e shkaktuar për sa kohë rivalët po zgjerohen dita ditës.
