Kompania Telegram shpërndau në një postim në blog update-in e aplikacionit me opsione të reja si fshirja automatike e mesazheve, ftesa me afat kohor dhe grupe të reja pa limit. Aplikacioni përfitoi një grup përdoruesish të rinj pas konfuzionit të krijuar nga WhatsApp dhe tani po shton shërbime që janë pjesë e aplikacioneve rivale që ofrojnë më shumë privatësi.
Fshirja automatike e mesazheve ishte e mundur në Secret Chats të Telegram, por ky update bën të mundur fshirjen e mesazheve në çdo chat brenda 24 orëve ose 7 ditëve. Ky opsion nuk do të fshijë çdo mesazh, pasi nëse ju keni dërguar një mesazh para se shërbimi të jetë on ai do të ngelet i pafshirë.
Telegram gjithashtu po bën ndryshime në grup që mund të lejojnë shërbimin e njejtë si Clubhouse. “Broadcast Groups” kanë një numër të palimituar pjesëtarësh, por limitojnë mundësinë e krijimit të postimeve. Voice chats janë të hapura për të gjithë dhe Telegram mendon se ky shërbim do të jetë ideal për komunitete të mëdha.
Për të ndihmuar mbajtjen e këtyre grupeve ekskluzive, Telegram shton opsionin expiring invite links që mund të skadojnë pas një numri të caktuar përdorimesh ose pas një orari të caktuar.
Të gjithë mesazhet në Telegram janë teknikisht të enkriptuara, por Secret Chats janë të vetmit që janë të shikueshëm vetëm në pajisjet e personave që po flasin.
