Një seri videosh të publikuara aksidentalisht janë bërë një hit viral në rrjetin social TikTok. Më e shikuara tregon disa punonjës të bashkisë të cilët po i japin lamtumirën kolegut të tyre, Connie.
“Urime nga zyra e nëpunësit në Orange County” thotë një nëpunës para se të shtyhet djathtas.
@deputyclerk
Më shumë se 40,000 përdorues e kanë pëlqyer videon e cila është parë 300,000 herë. Adresa @deputyclerk ka marrë 3,000 ndjekës dhe pse ka publikuar vetëm 8 video të cilat janë versione të ndryshme të të njëjtit mesazh lamtumire. Videot kanë inspiruar shumë njerëz të krijojnë video të reja duke përfaqësuar Connie dhe duke imagjinuar të jenë aq të vlerësuar sa ajo.
“Ne të gjithë patëm probleme me përdorimin e aplikacionit pasi nuk e kishim përdorur ndonjëherë. Ajo thonte ‘save to my device’, kështu që unë mendova se do të regjistrohej vetëm në telefonin tim.” u shpreh nëpunësja Olivia Griffith, gruaja e fundit që foli ne video. Ato kishin supozuar se videot e refuzuara do të zhdukeshin dhe asnjë nuk do t’i shihte.
Me 3,000 ndjekës, zyra tani ka marrë famë në TikTok, por megjithatë janë të pavendosur nëse do të vazhdojnë të publikojnë video në rrjetin social.
