Lançuar në shtator 2020 së bashku me prezantimin e One Telecommunications, aplikacioni My ONE është mënyra më e mirë për të kontrolluar njësitë e paketës tënde, dhe jo vetëm. Në pak sekonda mund të fitosh ose shkëmbesh megabyte, shpërblehesh me giga kur rimbush llogarinë dhe të argëtohesh në ONE Zone. Por çfarë ka të veçantë dhe çfarë ne mendojmë se duhet të përmirësohet në këtë app? Në vazhdim, ju tregojmë përshtypjet bazuar në eksperiencën tonë.
Design i thjeshtë dhe orientues
Faqja kryesore e My ONE të njeh menjëherë me njësitë e mbetura të paktës aktive, pa t’u dashur të bësh scroll apo klikuar diku. Për më shumë njësi, mjafton të klikosh mbi shenjën “+” dhe të shfaqen të gjitha paketat shtesë që mund të aktivizosh. Për t’i filtruar, kliko mbi llojin e paketave. Një menu më e gjerë gjendet duke klikuar mbi tre vizat në të djathtë.
Rimbushje me shpërblime
Nga faqja kryesore ose përmes menusë ju mund të rimbushni llogarinë tuaj përmes një karte krediti duke nisur nga 100 Lekë. Përveç komoditetit, e veçanta e këtij shërbimi është se ju do të shpërbleheni me gigabyte shtesë: 3GB për rimbushje nga 500 në 899 Lekë ose 11GB për rimbushje mbi 900 Lekë. Sapo të keni rimbushur llogarinë, nga My ONE ju mund të aktivizoni paketën tuaj ose paguani faturat për klientët e planeve Unlimited të cilët gjithashtu përfitojnë 10GB për pagesat online brenda 10 ditëve të para të muajit.
Give’n’Take apo Data Sharing?
Në My ONE ju do të gjeni dy mënyra për të ndarë megabyte me miqtë tuaj: Data Sharing, ekskluzive për paktën Unlimited Beats dhe Give’n’Take për çdo përdorues të planeve/paketave Unlimited.
Ndërsa e para ju ofron mundësi të shkëmbeni deri në 500MB – me Give’n’Take ju mund të shkëmbeni më shumë! Zgjidh një tjetër klient ONE dhe kaloi deri në 500MB, 300 SMS apo 50 minuta.
Cilado qoftë zgjidhja, e rëndësishme është t’i tregoni të dashurve tuaj se ju mendoni për ta. Dhe ndonjëherë disa MB dhuratë janë më mirë se një buqetë!
ONE Zone të fal megabyte dhe ulje por nuk të gjen shpirtin binjak!
Kjo është zona më cool e aplikacionit pasi koha këtu shpërblehet në disa mënyra:
– Ulje dhe shërbime falas në bashkepunim me biznese të ndryshme në Tiranë. Deri tani ne kemi përfituar tre herë një ulje prej 15% në dyqanin tonë të preferuar LeFutur. Të tjera si Nobis, Men Styles, OVS, Mulliri i Vjeter etj ju presin me oferta të dedikuara.
– Dhurata ditore është ruleta juaj e fatit të cilën duhet ta provoni çdo ditë për të fituar megabytes.
– Login Bonus ju kërkon ta vizitoni çdo ditë rrjesht për të çkoduar oferta ekskluzive që nuk i gjeni askund tjetër.
– Music, një radio streaming e cila shpenzon megabyte të dedikuar në paketë dhe mund të luaj muzikë edhe kur del nga aplikacioni. Sipas ONE, këtu gjenden disa radio me rryma të ndryshme, në fakt është vetëm një buton play. Me hyrjen e Spotify në tregun shqiptar dhe listën e pasur të këngëve, ndoshta megabyte-t për “Music Streaming” është mirë të ofrohen për këtë aplikacion.
– Flit Zone, një Tinder midis klientëve ONE i cili fatkeqsisht nuk është mënyra më e mirë për të gjetur shpirtin binjak. Nuk e dimë nëse ky shërbim ka pak përdorues apo idea e tij nuk funksionon mirë.
Ndoshta sepse kjo është zona më e kërkuar në app, atij i duhen mesatarisht 6 sekonda për t’u hapur. Një kohë e cila sipas Geek Room duhet të shkurtohet.
A është koha për biometric login?
Është e vërtetë që pas përditësimit të fundit aplikacioni nuk të bën më shpesh logout, një problem serioz i versionit të mëparshëm. Por, kjo gjë ende ndodh dhe për shumicën nga ne është një shpenzim kohe për të kujtuar password-in dhe për ta ristartuar atë. Një zgjidhje për këtë do të ishte logimi biometrik i cili të kursen kohë dhe gjithashtu rrit sigurinë e aksesit në app.
Si ta shkarkosh?
My ONE mund të shkarkohet përmes PlayStore ose AppStore. Pas regjistrimit, Geek Room ju sugjeron ta bëni pjesë të përditshmërisë tuaj. Pak sekonda në ONE Zone, mund të të shpërblejnë dhe të shpëtojnë njesitë e internetit, kështu keni më shumë mundësi të shihni në çdo moment videot që ne publikojmë.
