Fati i keq i Huawei u mendua se ndryshoi me ardhjen në pushtet të Joe Biden, por me emërimin e Sekretares së re të Tregtisë duket se gjërat kanë pak gjasë të ndryshojnë.
Gina Raimundo ka thënë se “nuk sheh ndonjë arsye” pse Huawei dhe kompani të tjera kineze të mos rrinë në listën e embargos.
“E kam të qartë se palët e vendosura në atë listë ndodhen aty sepse paraqesin rrezik për sigurinë kombëtare të US si dhe interesave të politikave të huaja. Për momentin nuk kam ndonjë arsye të besoj se ato nuk duhet të qëndrojnë aty. Nëse më konfirmohet , jam e gatshme të sqaroj mbi to dhe të gjitha entet e tjera të çështjes.” U është përgjigjur Raimundo shkresave të Senatit mbi qëndrimin e saj për Huawei dhe Hikvision.
Ndërkohë Huawei është duke kaluar një periudhë të konsiderueshme rëniesh në tregun e smartphonëve. Kompania e ka humbur vendin në top 5-shen e shitësve pas rënies prej 35% të dërgesave në tremujorin e katërt të 2020-ës.
Në të tilla kushte kompania po përpiqet të ri-krijojë veten, me ndërtimin e një sistemi operativ dhe regjistimin e Honor si kompai të pavarur.
