Okay Sony, kur thamë që duhet të rikthehesh fuqishëm në botën e smartphonëve nuk kishim pikërisht këtë në mendje. Xperia Pro me 5G dhe fokus drejt krijuesve profesionistë fillon shitjen me një çmim të parë prej $2,499.9.
Me krijues profesionistë ka parasysh përfshirjen ndoshta për herë të parë ndonjëherë të vendit për kabull HDMI. Kjo do të mundësojë që smartphoni të lidhet me kamerën profesionale dhe të përdoret si një ekran më i madh për të parë më qartë ç’je duke xhiruar. Smartphoni do të ketë edhe 5G duke shërbyer edhe si dërgues për live stream në kohë reale te pamjeve që je duke filmuar deri në 4K 60fps HDR.
Përveç kësaj pjesa tjetër e smartphonit nuk ndryshon shumë nga Xperia 1 II i cili për $1,200 ofronte, proçesorin Snapdragon 865, 4,000mAh bateri dhe të njëjtin set kamerash. Një ekran 6.5-inch të cilin Sony vazhdon ta cilësojë si 4K, por që në fakt është vetëm 3840 x 1644.
Pra dyfishin e parave për një slot HDMI dhe ca programe e strumente të dedikuara kinematografisë? Diçka nuk shkon me këtë kompani, të shohim si do të shkojë ecuria e këtij produkti goxha ambicioz.
