Shpaketimi i Galaxy S më të ri të Samsung do të ndodhë në 14 janar në 16:00, në faqen zyrtare të kompanisë dhe bazuar në leaks të shumtë ja çfarë pritet.
Eventi Unpacked do të shfaqë tre modele; S21, S21+ dhe S21 Ultra. Ky i fundit do të ketë maksimumin e parametrave si edhe do të vijë me suportin për S Pen, lapsin digjital të cilin e kemi parë klasikisht tek linja Galaxy Note. Mes shumë aksesorëve të rinj surprizë do të njehet padyshim mungesa e njërit; karikuesi, i cili duke ndjekur shembullin e Apple nuk do të jetë pjesë e paketimit.
Fakti që do të suportojë S Pen nuk do të thotë se S21 Ultra do të ketë vend të dedikuar për të. Ai do të blihet veçmas dhe mund të kushtojë diku tek $50. Sa i përket kamerave ai do të jetë superior në të gjitha drejtimet. 4 lente përfshi dy telephoto 3X dhe 10X me stabilizim optik 10MP. Dy të tjerat do të jenë 108MP dhe 12MP të dyja kënd-gjerë. Ekrani 6,8″ do të ketë një rezolucion magjik WQHD+ (3200 x 1440) dhe shkallë rifreskimi me përshtatje deri në 120Hz. 5G, IP68 ndaj ujit dhe pluhurit dhe 5000mAh bateri.
Midis S21 dhe S21+ do të ketë vetëm ndryshime në përmasa. Ekranet janë respektivisht 6.2″ dhe 6.7″ me rezolucion FHD+ (2400 x 1080). Shkalla e rifreskimit 120Hz por jo me përshtatje. Të dy do të kenë tre kamera në kombinimin 12MP kënd gjerë, 12MP ultra e gjerë dhe një lente 64MP telephoto. 4000mAh për S21 dhe 4800 për S21+. Besohet se S21 do të ketë pjesën e prapme plastike ndërsa S21+ prej xhami.
