Platforma e respektuar e vlerësimit DxOMark, ka shpallur si mbajtësin e fronit të kamerave të smartphonëve Huawei Mate 40 Pro+ me 139 pikë.
144 pikë maksimale për foto, 98 për zoom dhe 115 në aftësitë e videos duke u pozicionuar në vend të dytë për këto dy të fundit. Mate 40 Pro+ ka një sensor kryesor 50MP ultra kënd gjerë, me hapje f/1.9, një tjetër ultra kënd gjerë 20MP f/1.8, një sensor 12MP f/3.4 telephoto, një lente 8MP me zmadhim optik 10x e një sensor me ndjeshmëri thellësie 3D.
Në reviewn e bërë ndaj smartphonit kinez, DxOMark e quan atë “Mbretin e kamerave” me 139 pikë totale, shifra më e lartë ndonjëherë duke lënë pas; Huawei Mate 40 Pro (136), Xiaomi Mi 10 Ultra (133), Huawei P40 Pro (132), dhe iPhone 12 Pro Max (130).
Për DxOMark, Huawei Mate 40 Pro+ ka një ekspozim të saktë, një variacion të gjerë dinamike dhe detaje të mira hijesh e theksesh. Autofokusi i shpejtë e i saktë ndihmon në mprehtësinë e imazheve. Persormanca në modalitetin e natës cilësohet si i kashtëzakonshëm nga platforma duke mbajtur vendin e parë në kategori për momentin.
Për zoom dhe video Mate 40 Pro+ mori vendin e dytë. Me 98 pikë në aftësi zmadhimi pozicionohet poshtë Xiaomi Mi 10 Ultra. Sa i përket videos aparati performon vetëm një pikë mbrapa Huawei Mate 40 Pro me në total 115 pikë. Smartphoni paraqet rezultate shumë të mira në balancën mes teksturës dhe zhurmës në imazh, ndërsa rregjistrohet jashtë në ndriçim të lartë apo brenda.
Treg i çuditshëm ky i momentit, ama mëkat të privohesh nga kjo teknologji e mahnitshme.
