Nëse është e vërtetë se në kohë krizash zbulojmë identitetin e vërtetë të shoqërisë, atëherë kjo pandemi është një periudhë fare e mirë për të na studiuar. Ndër duartrokitjet për mjekët, solidaritetin për më të dobëtit etj, të gjithë e mbajmë mend mungesën e letrave higjenike në raftet e supermarketeve. Po, e kemi me ty U.S.A, vendi më i civilizuar në botë i cili gjatë fillimit të karantinës u kacafyt për një top letre më shumë. Situatë kjo e cila reflektohet më së miri edhe tek interesat digjitale, për muaj me radhë në seksionin “Ku të blesh..” të Google Trends, letra higjenike ka qenë në krye të listës.
Por për fat të mirë PlayStation i ka bërë një të mirë 2020, që të mos mbahej mend si viti kur shqetësimi më i madh qe WC-ja.
Për të qenë më të saktë mungesa e tij, interesi ka qenë kaq i lartë sa në pak kohë nga dalja në treg raftet janë boshatisur, e në mungesë të kanaleve zyrtare të gjithë i janë drejtuar Google për të gjetur një konsole. Edhe pse ka vetëm një muaj që ka dalë, ai është objekti më i kërkuar i 2020. Edhe pse më poshtë në interes Xbox Series X pozicionohet në vend të katërt, fiks pas letrave higjenike dhe maskave të fytyrës.
Among Us, Fall Guys, Valorant, Genshin Impact, dhe Ghost of Tsushima ishin lojrat më të kërkuara ndërsa vendin për serialin më të kërkuar e zë Tiger King. E pse-ja më e madhe për njerzit e 2020 paska qenë “pse u shpikën sharrat elektrike?“.
Ok, vit i çuditshëm ky.
