Gati për të realizuar fantazitë e fëmijërisë; të flasim me kafshët.
Duke jetuar nën të njëjtën çati me shumë mundësi i ke mësuar një pjesë të mirë të arsyeve pse macja jote mjaullin. Një aplikacion kërkon ta çojë më tej duke u munduar ta përkthejë çfarë kafsha shtëpiake po thotë.
MeowTalk është iniciativa e një ish inxhinieri të Amazon Alexa, me një CV të tillë besoj se e kuptojmë se ai nuk e ka me shaka.
Shoqëria Amerikane për Parandalimin e Keqtrajtimit të Kafshëve ka një listë me arsye pse macet mjaullijnë dhe klithin. Jo vetëm për ushqim, por edhe për përshëndetje, marrje të vëmendjes ose hutimet e momentit nga macet më në moshë.
Bazuar në këtë listë, aplikacioni do të regjistrojë një sërë mjaullimash, pronari do t’i etiketojë e duke krijuar këshu një databazë me AI të personalizuar.
Një version beta i aplikacionit është i disponueshëm në App Store dhe Google Play.
