Periudha e ndritur e kamerave digjitale u zëvendësua gati në çdo aspekt nga kamerat super efikase të smartphonëve.
Ndërsa sot, lufta për më shumë dritë në sensorët e vetë avancon, kamerat e smartphonëve sa vjen edhe zmadhohen.
Sa më e madhe apertura aq më shumë dritë hyn në sensor, aq më shumë kualitet në foto e video. Kompaktiteti i smartphonëve nuk lejon shumë vend. Ndaj edhe janë tentuar shumë zgjidhje nga kombinimi i pikselave e deri tek çmendurira të tjera në software.
Duke u munduar të shmangin zmadhimin pafund të gungës së smartphonëve të vetë, Xiaomi po punon për një lente mekanike e cila del dhe tërhiqet njejtë si mekanizmi i kamerave digjitale të një kohe.
Sipas kompanisë, kjo strukturë do të rrisë me 300% sasinë e dritës që mund të hyjë në sensor. Për më tepër do të mund të vijë bashkë me një sistem të ri stabilizimi, si rezultat më pak mjegullim nga dridhjet e dorës dhe 20% më shumë theks ngjyrash.
Do të përmirësohet portrait mode, për shkak të veprimit manual me fokus, dhe jo më mjegullim anësor me software. Si edhe kapërcim në night mode, kjo për shkak të aftësisë më të madhe për të thithur dritë.
Sigurisht që kjo vjen me anët e veta jo pozitive. E para një mekanizëm i tillë e bën një smartphone të vështirë të mbrohet nga pluhuri dhe uji, siç kemi parë me kamerat e motorrizuara selfie.
Dhe e dyta një mekanizëm ka limitet e veta të përdorimit, çka e bën më të predispozuar për të pasur defekte.
Xiaomi nuk ka dhënë më shumë detaje, dhe as data. Gjithçka kemi është një foto dhe premtimin për një teknologji të tillë. Se kur do e shohim për herë të parë mbetet e panjohur.
