Microsoft prezanton një tjetër Surface, si alternativë më e përballueshme ndër aparatet e veta. Me një çmim aq të ulët sa $549 është e qartë që synon të kapë blerës potencialë të Chromebook.
Surface Laptop Go do të ketë një ekran 12.4-inch me rezolucion 1536 x 1024. Kjo kornizë më e vogël e bën atë laptopin Surface më të lehtë ndonjëherë me 1.2kg peshë. E megjithatë do të ketë një tastierë të plotë dhe një tackpad të madh.
Ndryshe nga produktet e tjera ai do të vijë me një proçesor të vërtetë si 10th Gen Intel Core i5. Nuk është gjenerata më e fundit por çipi quad core duhet të jetë i mjaftueshëm.
Modeli bazë vjen me 4GB RAM dhe 64GB hapësirë, në 2020 më mirë të blesh një smartphone. Laptopi do të ketë një portë USB-C dhe një tjetër USB-A por edhe vrimën për kufje.
Kamera frontale nuk do të ketë facial recognition, por një sensor i shenjës së gishtit do të jetë tek butoni i ndezjes.
Suport për Wi-Fi 6 dhe karikim të shpejtë deri në 80% brenda orës.
Në varësi të kombinimeve këto janë çmimet:
- Intel Core i5, 4GB RAM, 64GB eMMC : $549.99
- Intel Core i5, 8GB RAM, 128GB SSD : $699.99
- Intel Core i5, 8GB RAM, 256GB SSD : $899.99
