Mesa duket smartphonët e palosshëm janë interesant për konsumatorin dhe po ndërtojnë tregun e tyre teksa produkte inovative si Razr i Motorola hyjnë në gjeneratën e dytë. Motorola thotë se për këtë produkt ka dëgjuar opinionet e përdoruesve dhe ka reflektuar ndryshimet tek Razer 2.
Forma në përgjithësi vazhdon t’i mbetet besnike asaj klasike të disa dekadav më parë. Ekrani i palosshëm kësaj radhe është 6.2-inch dhe një tjetër sekondar prej 2.7-inch OLED. Proçesori i ri Snapdragon 765G i shton 5G e cila për fat të keq është vetëm sub-6 dhe mmWave më e shpejtë. RAM-i është rritur në 8GB, memoria e brendshme është dyfishuar në 256GB dhe së fundmi bateria është më e madhe në 2,800 mAh.
Ndryshimet më të dukshme janë pozicioni i sensorit të shenjës së gishtit në pjesën e pasme por edhe kamerat. Kamerat e Razr-it të parë ishin 5MP selfie dhe 16MP ajo kryesore dhe rezultatet linin për të dëshiruar. Kësaj radhe kamera e brendshme do të jetë një sensor 20MP dhe ajo e pasme 48MP me një lazer të ri për autofokus ToF si dhe stabilizim optik.
Së fundmi Motorola ka bërë mirë që ka mdjekur shembullin e Samsung duke përshtatur shumë aspekte të software të tij me aftësinë për të lakuar një ekran. Google Maps, YouTube dhe disa lojra janë pjesë e këtyre përshtatjeve.
Gjenerata e dytë e Razr smartphone do të kushtojë $1,399 plot $100 më pak se i pari.
