MacBookët e Apple janë ndër produktet më të forta në treg, të aftë për të kryer çdo detyre dhe padyshim ia vln çdo qindarkë e shpenzuar. Ama ekziston një aspekt i tij për të cilin përdoruesi është ankuar për gjenerata të tëra: tastiera, asnjëherë nuk është bërë siç duhet.
Epo mesa duket si zgjidhje kompania ka vendosur ta heqë fare, dhe në vend të saj të vendosë një ekran të dytë. Këtë nuk do ta shohim në gjeneratën e ardhshme pasi në fakt bëhet fjalë vetëm për një patentë të regjistruar së fundmi.
Në përshkrim thuhet se ekrani i poshtëm do të shërbejë si një ndërfaqje e ndryshueshme, çka do të thotë se në vend të një tastiere të pandryshueshme, pjesa e poshtme mund të ndryshohet sipas dëshirës, nga tastierë për të shkruar në controller për të luajtur, apo një pistë DJ digjital e plot alternativa të tjera.
Për të apasionuarit pas së vjetrës, patenta përfshin edhe një tastierë e hollë e posaçme e cila mund të vihet sipër ekranit. Për më tepër në vendet ku pushojnë duart, planifikohet të ketë panele karikimi wireless.
Janë të pafundme benefitet që kjo teknologji mund të sjellë, a do të jetë i gatshëm përdoruesi që të përshtatet? Jo se Apple pyet shumë zakonosht për këtë punë, por duke parë se pjesa më e madhe e brezit të ardhshëm përdorin më shumë ekrane sesa butona fizikë nuk besojmë të jetë problem.
Rikujtojmë se bëhet fjalë për një patentë, nuk dihet nëse e shohim realisht, gjithçka mund të kuptojmë me siguri këtu është vizioni i kompanisë.
