Tani që na ra shpirti qetësi me Galaxy Note 20, padyshim që fuqia e Samsung përqëndrohet tek Galaxy S i cili mund të marrë numrin 21 ose 30 kjo nuk është e qartë ende por po e quajmë 21.
Mesa duket Galaxy S21 Plus do të ketë një nga bateritë më të mëdha të përdorura në ndonjë produkt të linjës S ndonjëherë. Sipas një leaku të kohëve të fundit. Dy bateri të reja nga Samsung kanë marrë çertifikimin e 3C. Galaxy S21 dhe S21 Plus janë përfolur se kanë për numra modeli respektivisht G991 dhe G996. Dhe të dyja këto modele figurojnë tek kodet EB-BG991ABY dhe EB-BG996ABY.
Pra sipas tabelës së çertifikimit S21 do të ketë një bateri prej 3,880 mAh dhe S21 Plus 4,660mah.
Jo ndonjë gjë e çmendur për familjen Android por krahasuar me shifrat e iPhone 12 së ardhshëm janë goxha më lartë. Kujtojmë se Apple këtë gjeneratë pritet të sjellë të paktën 4 alternativa dhe kapaciteti i baterisë varion nga 2,227mAh deri në 3,687mAh.
Sidoqoftë smartphonët Apple kanë pasur gjithmonë bateri më të vogla pasi proçesorët bionic funksionojnë ndryshe, A14 bionic i radhës pritet të jetë 30% më efiçent prej arkitekturës 5nm të përdorur në të, ndaj presim cila prej kompanive do te ketë menaxhimin më të mirë të burimeve.
