Kthehemi tek tema e nxehtë e momentit: 5G dhe aftësitë e saja. Pavarsisht teorive kospirative e vërteta është që kjo teknologji do të sjellë shumë përmirësime, në mënyrë direkte për shpejtësinë e qarkullimit të të dhënave dhe minimizimin e vonesave në rrjet.
Për ta ilustruar këtë mjeshtrat e Xiaomi na tregojnë muskujt e super mjetit të tyre më të fundit Mi 10 Ultra, i cili për fat të keq nuk do të lançohet globalisht.
Faqa zyrtare e Xiaomi në Weibo ka publikuar një video ku tregon se si një automjet mund të kontrollohet nga smartphoni i tyre edhe pse nga mbi 3000 km distancë.
Sipas Xiaomi kjo arrihet nga sistemi 5G SA i cili ka një vonesë reagimi marramendëse prej 1ms. Makina ishte modifikuar veçanërisht dhe një aplikacion i dedikuar u zhvillua për këtë event. Video tregon se automjeti i telekomanduar e fitoi garën por kjo mund të jetë edhe thjesht një marifet për efekt marketingu.
Sidoqoftë, e ardhmja është këtu dhe duket bukur.
