Teksa dy armiqtë e përbetuar Sony dhe Microsoft përgatiten për lançimin e konsoleve të tyre këtë vjeshtë, kundërshtari i njohur për mendimin jashtë kutie sjell të reja.
Sigurisht që e kemi fjalën për Nintendo, kompania e bazuar në Kyoto ka lajmëruar se do të sjellë një Switch të përditësuar në hardware si dhe lojra të reja.
Specifikimet nuk janë qartësuar ende por kompania do të përqëndrohet tek më shumë fuqi komiutimi dhe grafika 4K. Një listë e plotë me lojra do t’i shtohet daljes gjithashtu, me alternativa për ata që duan pak shpërqëndrim aty këtu por edhe opsione më serioze për fansat që duan t’i dedikojnë më shumë kohë. Switch i ri pritet të fillojë prodhimin në gjysmën e dytë të 2021/
Kompania raportohet të ketë pasur vështirësi për të përmbushur nevojat e tregut pasi kërkesa për Switch dhe Switch Lite ka parë rritje të ndjeshme sidomos pas marsit. Katër vjet pas lançimit dhe konsoleja vazhdon të dashurohet, 61 milion njësi të shitura nga marsi 2017 deri qershor 2020.
Nintendo Wii është konsoleja home më e shitur për kompaninë me 102 milion njësi të shitura. Nintendo DS portable ka arritur të shesë plot 154 milion njësi, të shohim se nëse Switch do t’i afrohet.
