Për ata që nuk e dinë heroi ynë i fëmijërisë, Jack Sparrow nuk i ka punët fort mirë. Johnny Depp dhe ish-bashkshortja e tij Amber Heard prej disa vitesh tashmë janë përfshirë në një vorbull proçesesh gjyqësore, ai më i fundit, sheh Depp kundër gazetës The Sun.
Kjo e fundit e ka quajtur atë një dhunues-grash, Johnny nga ana e tij e akuzon për prishje imazhi dhe akuza false. Një proçes që vazhdon prej javësh.
E vërteta mund edhe të mos dalë kurrë në shesh, kurrsesi smund të mbajmë anë, ama meqë jemi le të kënaqemi me mëkatin e skandalit dhe thashethemeve.
Pjesë e konfliktit duket se është bërë edhe zoti Tesla, i cili është përmendur edhe më parë në proçes ndërsa citohet se dikur ishte zotuar të organizonte mbrojtje private për Amber Heard. Sipas Johnny Depp, Elon Musk ka pasur marrdhënie intime me Heard gjatë kohës që çifti vazhdonte të ishte nën kurorë.
Musk nga ana e tij i ka mohuar akuzat “Përfundimisht nuk kam pasur marrdhënie me Amber ndërsa ajo ishte e martuar me Johnny-n, kjo është totalisht e rreme.”
Ai këmbëngul se raporti i tyre nisi vetëm pasi Amber u nda nga Johnny.
Në një mesazh me tekst, i prezantuar si provë, Depp ofendonte Muskun duke kërcënuar madje se do t’i priste gjenitalet.
“Nëse Johnny do një ndeshje në kafaz, vetëm më thoni.” ka thënë Musk.
Ka fare pak mundësi që kjo të ndodhë, megjithse nuk do e vinim dorën në zjarr, ama në ndodhtë kush mendon ti se do ta fitonte?
